ءدۇبىرلى دودادا 160-تان استام ءجاسوسپىرىم سپورتشى ءوزارا كۇش سىناستى.
«باسەكە بىرنەشە كۇنگە سوزىلىپ, سپرينتتىك, جەكەلەي, كوماندالىق, نىسانا كوزدەۋ, ەستافەتا تاعى باسقا تۇرلەرى بويىنشا سايىستار ۇيىمداستىرىلدى», دەيدى جارىستىڭ باس تورەشىسى رايس حايرۋتدينوۆ.
بياتلوننان قازاقستاننىڭ مەملەكەتتىك جاتتىقتىرۋشىسى ماقسات شاراپوۆتىڭ ايتۋىنشا جىل وتكەن سايىن ەلىمىزدە قىسقى جانە جازعى بياتلوننىڭ ءباسى ارتىپ كەلەدى. ازيا ويىندارى مەن ۋنيۆەرسيادادا بياتلونشىلارىمىز جاقسى ويىن ورنەگىن كورسەتكەن. قازىر بۇل سپورت تۇرىمەن 1500-دەن استام سپورتشى تۇراقتى تۇردە اينالىسادى.
جارىس قورىتىندىسىندا اقمولا وبلىسىنىڭ كومانداسى ءبىرىنشى ورىندى يەلەندى. ەكىنشى, ءۇشىنشى ورىنداردى شىعىس قازاقستان مەن سولتۇستىك قازاقستان وبلىسىنىڭ وكىلدەرى ءبولىستى.
ءومىر ەسقالي, «ەگەمەن قازاقستان»